Аивадуарзджыты размæ рахæсдзысты Александр Вампиловы «Утиная охота»
Уырыссаг академион театры ног сезон райдайдзæн премьерæйæ. Аивадуарзджыты размæ рахæсдзысты Александр Вампиловы «Утиная охота». Æвæры йæ режиссер Дмитрий Павлов. Спектакль равдисдзысты 3-æм æмæ 4-æм октябры. Сезоны ма театрдзаутæм æнхъæлмæ кæсынц æндæр ног спектакльтæ дæр. Труппæйæн уыдзæн гастрольтæ дæр. Театр ма фæнд кæны бæстонæй сбæрæг кæнын 155 азы юбилей. Бæлвырддæр радзурдзæн Хъайтмазты Дзерассæ.
Александр Вампиловы «Утиная охота» æвæры режиссер Дмитрий Павлов. Ног театралон сезоны афишæйы бацахсдзæн кадджын бынат. Амонд чи агуры, ахæм адæймаджы миддунейы хъизæмæрттæ равдисыныл театры лæмбынæг кусынц. Пьесæ хуымæтæг нæу. Режиссер алы лыстæг хъуыддагмæ дæр лæмбынæг цæст дары.
Сæйраг хъайтар Виктор Зиловы сурæт раргом кæндзæн республикæйы адæмон артист Цæллаты Алан. Куыд зæгъы, афтæмæй йын спектаклы архайын цымыдисаг у. Ацы уацмысимæ нырма æрыгон лæппуйæ базонгæ ис, æмæ уæдæй йæ цæстæнгас чысыл аивта.
Уырыссаг театры сценæйы ныридæгæн æнтыстджынæй æвдыст цæуы Вампиловы «Старший сын». Спектакль «Утиная охота» аивадуарзджытæ фендзысты фæззæджы – премьерæ уыдзæн 3-æм æмæ 4-æм октябры.
Ног азы фæстæ уырыссаг академион театры райдайдзысты Джон Патрикы «Странная миссис Сэвидж» репетици кæнын, фæндты ма ис Дюррематты «Визит дамы» сæвæрын.
27-æм сентябры Уырыссаг театр сбæрæг кæндзæн йæ юбилей – 155 азы. Цæгат Кавказы рагондæр театры гуырæн бонмæ æрбацæудзысты Уæрæсейы фыццаг драмон театры – Федор Волковы номыл ярославаг театры минæвæрттæ.
Ноябры театрæн уыдзæн гастрольтæ Новгороды, уырдыгæй та се мкусджытæ Дзæуджыхъæумæ сласдзысты сæ репертуар – «Собачье сердце», «В джазе только девушки» æмæ «Идиот». 156-æм сезон та аивадуарджыты дисы æфтаудзæн.
