Этнофестиваль саразыныл бакуыстой Мæздæджы хæлардзинады Хæдзары кусджытæ. Фестиваль баст у Мæздæджы 260 азы юбилейимæ
Уырыссаг традициты бæрæгбон «Как на Руси у нас…» арæзт æрцыд Мæздæджы. Этнофестиваль саразыныл бакуыстой Мæздæджы хæлардзинады Хæдзары кусджытæ. Фестиваль баст у Мæздæджы 260 азы юбилейимæ. Уазджытыл сæмбæлдысты цæх æмæ кæрдзынимæ. Ацы, æмæ æндæр традициты тыххæй радзырдтой Мæздæджы æмæ Мæздæджы районы цæрджытæ. Фестивалы программæ уыд хъæздыг æмæ цымыдисаг. Ирд æмæ зæрдæмæдзæугæ номыртæ бацæттæ кодтой хъæуты култьтурæйы хæдзæртты хореографион, вокалон æмæ инструменталон ансамбльтæ æмæ коллективтæ. Се ппæт дæр барухс кодтой фестивалы уазджыты зæрдæтæ. Зæгъæм, Елена Кузнецова сæ базонгæ кодта йæхи къухтæй конд нывтимæ. Хæдзары фсинтæ та бацæттæ кодтой национ хæринæгтæ. Уымæй дарддæр кæстæртæ æмæ хистæртæ иумæ ахъазыдысты уырыссаг адæмон хъазт «Ручеек»-æй. Архайдтой лотеряйы æмæ акафыдысты. Иу ныхасæй ацы изæр се ппæт дæр бадардзысты сæ зæрдæты.