Бæлццæттæн сæвзæрд уавæр уыд æнæнхъæлæджы, базыдтой йæ маршрутон такситы салонтæм бахизгæйæ
Уыцы-иу рæстæг 11 горæтаг маршрутыл фæндаггаджы аргъ сси 25 сомы. Бæлццæттæн сæвзæрд уавæр уыд æнæнхъæлæджы, базыдтой йæ маршрутон такситы салонтæм бахизгæйæ. Уымæн æмæ йæ транспортон компанитæ рагагъоммæ нæ фехъусын кодтой. Афтæмæй фæндаггаджы æргътæ сырæзтысты 25%.
Уæвгæ тариф 25 сомы онг фæфылдæр кæнын ма нысан кодтой ивгъуыд аз ноябры. Фæлæ уæд транспортон компанитимæ баныхас кæнын бантыст. Ацы аз мартъийы та республикæйы Сæргълæууæг Сергей Меняйло профилон комитетæн бабар кодта тарифты æмвæзадмæ бæстон цæст дарын. Фæлæ ныр ведомство фехъусын кодта, æргъты уæлæмæцыды тыххæй æмбарынц. Ныр та хъæуы тарифты бæрцы экономикон аххосаг базонын. Транспортон компанитæ зæгъынц – фæндаггаджы аргъ фæфылдæр, машинæты ивæн хæйттæ æмæ æндæр æрмæджытæ кæй фæзынаргъдæр сты, уымæ гæсгæ.
