Куыстытæ дзы куыд æххæстгонд æрцыдысты, уымæн аргъ скодта Цæгат Ирыстоны сæргълæууæг Сергей Меняйло
Заводскойы поселочы байгом ног рæвдауæндон. Куыстытæ дзы куыд æххæстгонд æрцыдысты, уымæн аргъ скодта Цæгат Ирыстоны сæргълæууæг Сергей Меняйло. Сывæллæттæн сæйраг лæвар сси бассейн. Ахуырады æмæ наукæйы министрæн республикæйы разамонæг бабар кодта, цæмæй нырæй фæстæмæ цы рæвдауæндæттæ арæзт цæуой, уыдон се ппæт дæр бассейнтæй æххæст уой. Сергей Меняйло аныхас кодта хъомылгæнинæгтимæ дæр. Рæвдауæндоны ныридæгæн кусы æппæтæй чысылдæр сабиты къорд. Æдæппæтæй та объекты ис 280 бынаты. Уыдон сты 15 къорды. Кæрты ис хъазæн зонæ, сæвæрдтой дзы беседкæтæ. Рæвдауæндон арæзт æрцыд «Уæрæсейы Федерацийы цæрджыты æнцонвадат цæрæнуæттæй æмæ коммуналон лæггæдтæй æххæст кæныны» паддзахадон программæмæ гæсгæ.
