21 апреля 2021, 12:28
Адæмæн куыст дæттыны службæйы сбæрæг кодтой 30 азы бон
Юбилей сбæрæг кодтой Цæгат Ирыстоны куыстдæттыны центртæ дæр
Уæрæсейы сбæрæг кодтой адæмæн куыст дæттыны службæйы 30 азы бон. Юбилей сбæрæг кодтой Цæгат Ирыстоны куыстдæттыны центртæ дæр. Комитеты разамонæг Платы Альбинæйы ныхæстæм гæсгæ, уыцы æмгъуыдмæ сæ къухы бирæ хъуыддæгтæ саразын бафтыд, цæмæй республикæйы цæрджыты царды уавæртæ аккаг хуызы уой, уый тыххæй.
Фæзынди бирæ гæнæнтæ адæмæн финансон æмæ фæллойадон æххуыс кæнынæн. Ацы къабазы кусджытæн арфæ ракодта Хицауадысæрдары хæстæ æххæстгæнæг Тускъаты Таймураз. Куыд фæнысан кодта, афтæмæй адæмæн куыст дæттыны комитетыл ис ахсджиаг бæрнондзинад æвæрд. Кусджыты архайдæй аразгæ у регионы царды хæрзхъæддзинад.
