Æмæ сфидар кодтой сæрмагонд фæтк
Æхсæнадон палатæйы æмбырды ныхас цыд, царды æнæмæнг хъæугæ хосты номхыгъдмæ хаст æргътыл. Æмæ сфидар кодтой сæрмагонд фæтк. Уый фадат ратдзæн хостæм паддзахадон æмвæзадыл цæстдарынæн. Цавæр ивддзинæдтæ ма æрцæудзæн ацы къабазы, уый тыххæй дзуры Моргуаты Ладæ.
Хостæм уæлдай цæстдард. Стъолыл царды æнæмæнг хъæугæ хостæ. Ирыстоны сæ номхыгъд абарæн ис 3 томон чиныгимæ. Ацы афтек 15 азы лæггад кæны, льготæтæй чи пайда кæны, уыцы адæмæн.
Иу рынчын адæймагæн мæй хостæн радих кæнынц 900 сомы. Иуæй-иу хосты аргъ та у зынгæ зынаргъдæр. Пациенттæн лæвар хостæ дæттынц рецептмæ гæсгæ. Æрвылаз Уæрæсейы хицауады уагæвæрдмæ гæсгæ цардæн ахсджиаг хосты номхыгъд цæуы ивд. 1-æм январæй дзы фæзындзысты ног хостæ.
Федералон программæмæм гæсгæ хостæ чи исы, уыдоны бон у сæ бæсты æхцайы фæрæзтæ исын. Фæлæ уый къуылымпы кæны иннæ льготникты хостæй ифтонг кæныны фарста. Стæй къаддæр кæнынц, Цæгат Ирыстонæн хостæ балхæнынæн цы фæрæзтæ радих кæныц, уыдон. Уымæ гæсгæ æнæниздзинадхъахъхъæнынады министрады специалисттæ сидынц адæммæ, цæмæй сæ зæрдæ ма сивой социалон пакетыл. Амтгæй райсгæйæ, хостæ фæхъæуынц инвалидты, стæй уæззау низтæ онкологи, астмæ æмæ сæкæр бæрзонд кæмæ нæ вæййы, уыцы адæмы . Энокринологон диспансеры зæгъынц, сæ рынчынты се ппæты кæй ифтонг кæнынц хъæугæ препараттæй.
Иннæ аз ивд æрцæудзæн хъæугæ препараттæй ифтонг кæныны фæтк. Ноябры парламенты депутаттæ сбæрæг кодтой иунæг организаци, уый ифтонг кæндзæн рынчындæттæ æмæ медицинон кусæнуæттæ. Уый у паддзахадон организаци «Ирыстоны медицинон техникæ æмæ фармация». Йæ хæс у курдиæттæм гæсгæ аукционтæ аразын. Контракттæм гæсгæ хостæ цæудзысты æнæниздзинадхъахъхъæнынады афтечы скъладмæ, уый фæстæ та медицинон кусæнуæттæм.
Закъонæвæрынады куысджытæ се ргом здахынц æртæ фæткмæ. Уыдон сты – экономи, æргъты политикæ æмæ хæрзхъæддзинад.
