Цæгат Ирыстоны паддзахадон университеты стоматологон факультеты студенттæ æрхъуыды кодтой рынчынтимæ кусыны ног мадзал.
Æнæниз дæндæгтæ æмæ сыгъдæг комулæфт. Цæгат Ирыстоны паддзахадон университеты стоматологон факультеты студенттæ æрхъуыды кодтой рынчынтимæ кусыны ног мадзал.
Уыдзæн хумæтæг, фæлæ ахадгæ. Рынчынты зæрдæмæ дæр хъуамæ фæцæуа. Цы у, уый тыххæй бæлвырддæр радзурдзæн Гутьиаты Алинæ
Урс фæрдыгау рæсугъд дæндæгтæ æнæ иу сау тæлмæй, æнæниз мылытæ æмæ сыгъдæрг комулæфт. Цæгат Ирыстоны паддзахадон университеты стоматологон факультеты студенттæ æрхъуыды кодтой рынчынтимæ кусыны ног мадзал. Фæнды сæ бакусын дæндæгтææхсæн сæрмагонд пастæйыл. Алы рынчынæн дæр йæ низмæ гæсгæ. Кæд æмæ раздæр дæнгæгты дохтыртæ рынчынтæн сæ фылдæры дзæбæх кодтой уыцы иу хостæй, уæд ныртæккæ алы низæн дæр уыдзæнис сæрмагонд мадзал. Ахæм пастæйæн иннæтимæ абаргæйæ йæ аргъ уыдзæнис зынгæ къаддæр. Проектыл афæдзы дæргы куыстой аст иртасæджы. Разамынд сын лæвæрдта стоматологийы факультеты деканы хæдивæг Цæрæхаты Ларисæ.
Фыццаг иртæстытæ уал æнтыстджынæй ахицæн сты. Эксперименты чи архайдта, уыцы адæм баззадысты тынг разыйæ. Сæ руаджы республикæйы апарахат ис æвдадзы пастæйы тыххæй хъусынгæнинаг. Уый хыгъд факультетмæ хосагур цæуы бирæ адæм. Пастæ саразджытæ куыд зæгъынц, афтæмæй дзы стыр сусæгдзинад нæй. Пайда кæнынц æрмæст фармацион хъацæнтæй нæ, фæлæ ма зайæгойтæй дæр. Кæрдæджытæ студенттæ æмбырд кæнынц сæхæдæг, хохы.
Ныртæккæ иртасджытæ æнхъæлмæ кæсынц, сæ хосæн сын патент кæд ратдзысты, уымæ. Дæндæгты сæрмагонд пастæмæ се ргом раздæхтой амалхъом адæм. Патент балхæнын фæнды, Мæскуыйы раззагдæр фармацевтон компанитæй иу. Студентты проектæн стыр аргъ скодтой университеты разамынд дæр. Æппæт архайджытæн дæр зæрдæ бвæрдтой фæсарæйнаг стажировкæйæ.
