Парламенты æмбырды фидаргонд æрцыд закъон. Социалон политикæ, æнæниздзинадхъахъхъæнынады æмæ ветеранты хъуыддæгты комитеты сæрдары хъуыдымæ гæсгæ, афтæмæй ис хæрдзтæ фæстауæрц кæнын.
Æнæниздзинадхъахъхъæнынады къабазы хъуамæ уа, хъæугæ медицинон препараттæй чи ифтонг кæндзæн, ахæм иунæг организаци.
Парламенты æмбырды фидаргонд æрцыд закъон. Социалон политикæ, æнæниздзинадхъахъхъæнынады æмæ ветеранты хъуыддæгты комитеты сæрдары хъуыдымæ гæсгæ, афтæмæй ис хæрдзтæ фæстауæрц кæнын. Реуазты Ларисæ фæнысан кодта, абон медицинон препараттæ æлхæныны хъуыддаджы парахат кæй у коррупци. Афтæ кæд ифтонггæнæн организациты хсæн арæзт уыд конкурс, уæддæр конрактты 90% фидаргонд вæййынц аукционы иу архайæгимæ. Хостæ æмæ техникæ æлхæд вæййынц алы æргътæм гæсгæ, уый та 2 хатты зынаргъдæр уайы, зæгъæм уыцы-иу ифтонггæнæгæй æлхæд куы цæуиккой, уæд. Стæй препаратты хæрзхъæддзинадмæ дæр æнцондæр уыдзæн цæст дарын. Закъоны проекты фарсыл рахæцыд æнæниздзинадхъахъхъæнынады министр Годжысаты Тамерлан. Афтæмæй Парламенты 40 депутаты рахæцыдысты ног закъоны фарс, 10 уыдысты йæ ныхмæ. Афтæмæй фидаргонд æрцыд дыккаг бакасты.
