филиал вгтрк государственная телерадиовещательная компания “Алания”

01:34 воскресенье, 29 ноября 2020
29 октября 2020, 12:13
16
Æппæтуæрæсеон адæмон фронты активисттæ бабæрæг кодтой ног арæзт объекттæ

«Горæты æнцонвадат архайды» проект æххæст кæнгæйæ, Николаевскæйы станицæйы арæзт æрцыди, цæрджытæ рагæй кæмæ æнхъæлмæ кастысты, ахæм фæлладуадзæн фæз. Уæвгæ, ацы аз федералон проект æххæстгæнгæйæ, Цæгат Ирыстоны хъæуты базылдысты 30 æхсæнадон зонæмæ. Æппæтуæрæсеон адæмон фронты активисттæ бабæрæг кодтой ног арæзт объекттæ. Бирæтæм дзы æрхастой фиппаинæгтæ. Кæмдæрты ног рацарæзт территоритæ цыбыр рæстæгмæ пырх ныккодтой. Мониторинджы бæрнон кусдждытимæ уыди не сфæлдыстыдон къорд дæр. Бæлвырддæр — Касаты Наирæ.

Ам хъуамæ уыдаид æнцон пайдагæнæн бандæттæ, нырыккон рухсгæнæн системæ, бырондæттæ, æмæ аив къутæртæ. Уый бæсты, ног фæлладуадзæн зонæйы территорийы хизынц фос. Проект «Горæты æнцонвадат архайды» фæлгæты станица Николаевскæйы арæзт æрцыди бынæттон цæрджытæн фæлладуадзæн фæз. Æппæтуæрæсеон адæмон фронты минæвæрттæ бабæрæг кодтой æмæ аргъ скодтой ног объекттæн.

Дыгуры районы уыцы-иу рæстæг рацарæзтой æмæ базылдысты æртæ фæлладуадзæн зонæмæ. Дур-Дуры фæзынди аив тезгъогæнæн зонæ. Фæлæ дзы Æппæтуæрæсеон адæмон фронты активисттæ ам дæр ссардтой цалдæр фиппаинаджы. Территорийы нæй бырондæттæ æмæ рухсытæ.

Фæлладуадзæн территорийы хъуамæ уыдаид хъазæн фæз дæр. Сывæллæтты ирхæфсæн аттракционтæ ныридæгæн саст æрцыдысты. Уый иу, фæлæ сæйрагдæр у, ныр тæссаг кæй сты, уый.

Ацы аз федералон проект æххæстгæнгæйæ, Цæгат Ирыстоны хъæуты базылдысты 30 æхсæнадон зонæмæ. Проект баст у дзыллон фæлладуадзæн бынæттæ саив кæнынимæ.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: