Активисттæ уыдысты Алханчурты, Михайловскæйы æмæ Донгæроны фельдшерон-акушерон пунктты
Æппæуæрæсеон адæмон фронты минæвæрттæ сбæрæг кодтой, цалдæр хъæуы медицинон-санитарон æххуыс бакæныны уавæр цы æмвæзадыл ис, уый. Активисттæ уыдысты Алханчурты, Михайловскæйы æмæ Донгæроны фельдшерон-акушерон пунктты. Мониторинг цы бæрæггæнæнтæ равдыста, уый тыххæй нæ программæйы æрмæг.
Дохтырмæ бацæуыны тыххæй адæмы рады лæууын фæхъæуы 2 сахаты, æмæ уымæй фылдæр. Михайловскæйы амбулаторийы нæ фаг кæны специалисттæ. Медицинон пункт мæй дæр нæма кусы, фæлæ дзы ныридæгæн æппæтуæрæсеон адæмон фронт рабæрæг кодта фиппаинæгтæ. Æппæты карздæр дзы у, кадрты фарста.
Иннæ къуылымпыдзинад – æнæмæнг хъæугæ кусæнгæрзтæ сæм кæй нæй, уый. Уый аххосæй, дохтыртæн сæ бон нæу адæмæн хæрзхъæд медицинон лæггæдтæ кæнын.
Æппæтуæрæсеон адæмон фронты минæвæрттæ бабæрæг кодтой Алханчурты фельдшерон-акушерон пункт дæр. Медицинон пункт, зæгъæн ис, æмæ у цæттæ. Скусдзæни дыууæ къуырийы фæстæ.
Донгæроны арæзтадон куыстытæ сты сæ тæмæны. Фæлæ сæм ис фиппаинæгтæ. Бæлвырд æмгъуыдмæ нæ цæттæ кæнынц.
Радон бæрæггæнæн рейд скæндзысты ноябры. Медицинон куыстуæтты куыд загътой, афтæмæй хæстæгдæр рæстæг бацархайдзысты лыггæнинаг фарстатыл бакусыныл.
