Фистæгæйцæуджыты бригадтæ иртасынц горæты цæрджыты, ома республикæйы Сæргълæууæджы бардзырд чи не ххæст кæны, æмæ æнæмæнг хи изоляцийы фæтк чи нæ дары, уыдоны
Барадхъахъхъæнæг оргæнты кусджытæ æрвылбон дæр бæрæггæнæн куыст кæнынц Дзæуджыхъæуы уынгты. Фистæгæйцæуджыты бригадтæ иртасынц горæты цæрджыты, ома республикæйы Сæргълæууæджы бардзырд чи не ххæст кæны, æмæ æнæмæнг хи изоляцийы фæтк чи нæ дары, уыдоны. Пъæлицæйæгтæ ныхас кæнынц адæмимæ, æмæ семæ кæнынц æмбарынгæнæн куыст.
Бæлвырддæр та сæм сидынц, цæмæй фæстæмæ здæхой сæ хæдзæрттæм, æмæ æнæ бæлвырд æфсонæй уынгмæ ма цæуой. Зæгъгæ сæ бахъуыди уынгмæ рацæуын, уæд та æнæмæнг хъуамæ дарой хъахъхъæнæн маскæтæ æмæ резиннæ æрмкъухтæ. Мидхъуыддæгты министрады кусджытæ ма рæстæгæй-рæстæгмæ бабæрæг кæнынц бæлвырд районтæ, адæм дыууæ къуырийы изоляцийы кæм сты, уыдон. Хыгъдтæм гæсгæ бæрæг кæнынц, фæтк куыд æххæст кæнынц, уый. Ныридæгæн æфхæрд баййæфтой 40 домæнхалæджы.
