Æрдзыртой республикæ газæй æххæст кæныны фарстатыл
Битарты Вячеслав ма фембæлд Газпром межрегионгазы генералон директор Хъодзаты Аланимæ, æмæ æрдзыртой республикæ газæй æххæст кæныны фарстатыл. Битарты Вячеслав куыд бафиппайдта, афтæмæй компани стыр æвæрæн хæссы регионы экономикæйы райрæзтмæ, æмæ ахадгæ æмгуыстад кæны хицауады оргæнтимæ. Хъодзаты Алан республикæйы сæргълæууæгæн раарфæ кодта компанийы разамынды номæй. Ныртæккæ Цæгат Ирыстон æвдисы хорз бæрæггæнæнтæ бюджетон куыстуæтты фиддонтæй. Хъодзаты Аланы фиппаинагмæ гæсгæ, пандемияйы рæстæг газы къабазы куыстуæттæ архайдтой æнæкъуылымпыйæ, Битарты Вячеславы курдиатмæ гæсгæ компани чысыл æмæ астæуккаг амалхъомады куыстуæттимæ бафыста сæ хæстæ хайгай бафидыны бадзырдтæ. Æмбырды дзырдтой республикæйы цæттæдзинадыл хъармгæнæн афонмæ. Хъодзаты Аланы ныхæстæм гæсгæ, уал ныртæккæ сæххæст кодтой нысангонд куыстыты 67 проценты. Æмтгæй райсгæйæ та, сæ архайд цæуы фæткмæ гæсгæ.
