Цалцæггæнинаг сты Заманхъул æмæ Алагиры 5-æм скъолатæ
Битарты Вячеслав, нæ республикæйы алы районты цæрджытимæ фембæлды цы фарстатыл æрдзырдта, уыдонмæ хауынц скъолатæ дæр. Уæлдайдæр та дæрддзæф хъæуты. Цалцæггæнинаг сты Заманхъул æмæ Алагиры 5-æм скъолатæ дæр. Цы уавæры сты, уый федта не сфæлдыстадон къорд дæр, æмæ ныхасы бар Моргуаты Ладæйæн.
Ахæм уавæры ныртæккæ ис Заманхъулы скъола. Байгом æй кодтой ивгъуыд æнусы 82-æм азы æмæ дзы 38 азмæ иухат дæр бындурон цалцæггæнæн куыстытæ нæ цыдысты. Ахуыргæнджытæ æмæ ныййарджытæ сæхæдæг архайынц бæстыхаймæ зилын.
Скъолайы уавæрмæ йе ргом аздæхта Битарты Вячеслав, æмæ бахæс кодта 2021-æм азы йæ рацаразын. Фæлæ ахæм уавæры канд Заманхъулы скъола нæй.
Алагиры 5-æм скъола дæр у цалцæггæнинаг, йæ бакастæй фæстæмæ ма ис æндæр æвæстиатæй лыггæнинаг фарстатæ дæр.
ЗК: Ам дæр бындурон цалцæг йæ равзæрдæй фæстæмæ нæ уыд. Скъолайæн та бындур сæвæрдтой 1976-æм азы. Æрæджы йын бамбæрзтой йæ сæр, фæлæ ма ис бирæ куыст. Скъолайы цалцæг хаст æрцыд федералон программæмæ. Куыстытæ дзы райдайдзысты сæрды. Ацы цаумæ ахуыргæнджытæ æмæ йæ ахуырдзаутæ æнхъæлмæ кæсынц цымыдисæй.
