Дзæуджыхъæуы цæрæгойтæ дарæн бынаты ныртæккæ æрбынат кодтой 150 куыдзы
Бынат снысан кæнын, цæмæй цæрæгойтæ адæмæн æдас уой, уый тыххæй. Дзæуджыхъæуы цæрæгойтæ дарæн бынаты ныртæккæ æрбынат кодтой 150 куыдзы. Специалисттæ сын аразынц уавæртæ, фæлæ се ппæтыл кæд аххæсдзысты, уый бæрæг нæу. Организацийы куыд зæгъынц, афтæмæй питомник кæд арæзт æрцыд, уæддæр дзæгъæл куыйты фарста тагъд рæстæг лыггонд не рцæудзæн. Хорз бæрæггæнæнтæм ис æнхъæлмæ кæсæн æрмæстдæр 5 азы фæстæ. Гуытъиаты Алинæ радзурдзæн бæлвырддæр.
Куыдз æмæ адæймаджы хсæн фидар бастдзинад сæвзæры, фæлæ сын хаттæн ныхлæуддзинадмæ дæр рахизы. Весеннийы уынджы цæрджытæ уый тыххæй хорз зонынц. Дзæгъæл куыйтæ балтæй æрæмбырд вæййынц æмæ тухæнæй марынц горæты цæрджыты. Цуциты Ольгæ куыйты коймæ æмризæджы баризы, хаттæн йæ цæссыг дæр æркæлы. Йæ чызг у бирæсывæллонджын ныййарæг. Йæ цоты скъоламæ акæнын æмæ сæ дзæгъæл куыйты ныббырстæй бахъахъхъæнын нымайы æрвылбоны сгуыхтдзинадыл.
Сывæллæттæн ног хъзæн бынат ам лæууы дыууæ азы бæрц, фæлæ йæм бацæуын ничи уæнды. Ныййарджытæ сæ цоты уырдæм нæ уадзынц. Куыйтæй сывæллæтты хъахъхъæны æрмæстдæр ныллæг быру. Бынæттон цæрджытæ фыссынц фыстæджытæ горæты администрацимæ. Уым сын зæрдæ æвæрынц, уавæрмæ бæстон цæстдард кæй ис, уымæй. Цалдæр хатты ардæм æрбацыдысты, дзæгъæл цæрæгойты кæм дарынц, уыцы бынаты минæвæрттæ. Фæлæ уæддæр куыйты нымæц нæ фæкъаддæр. Ныр та, уалдзæг куы ралæууыд, уæд цæрæгойтæ зынгæ фæхъæхъхъагдæр сты.
Цæрæгойтæ дарæн бынаты куыд загътой, афтæмæй æдзухдæр цæуынц Весеннийы уынгмæ, фæлæ иу хаттæн сæ бон дыууæ куыдзæй фылдæр аласын нæу. Вольеры бынæтты нымæц бонæй бон къаддæр кæны. Сæдæ къалатийы ныртæккæ æрбынат кодтой сæдæ фæндзай куыдзы. Ныртæккæ специалисттæ архайынц цæрæгойты бардузыныл æмæ сыл маркировкæ сæвæрыныл. Фæлæ сеппæтыл кæд аххæсдзысты, уый бæрæг нæу.
Организацийы куыд зæгъынц, афтæмæй питомник кæд арæзт æрцыд, уæддæр дзæгъæл куыйты фарста тагъд рæстæг лыггонд не рцæудзæн. Хорз бæрæггæнæнтæм ис æнхъæлмæ кæсæн æрмæстдæр фондз азы фæстæ. Кæй бардузынц, уыцы куыйтæн сæ уавæр зынгæ фæхуыздæр вæййы, æрсабыр вæййынц æмæ адæммæ нал фæлæбурынц. Ныр та уал питомниккы кусжытæ адæммæ сидынц, цæмæй уавæр æмбарой æмæ рæстæгмæ зындзинæдтæн быхсо
