Проекты сæйраг нысан у мадæлон æвзаджы райрæзтыл кусын æмæ курдиатджын фæсивæды рабæрæг кæнын
Сбæрæг кæндзысты хуыздæрты. Цыппæрæм хатт Дзæуджыхъæуы онлайн-хуызы цæуы сфæлдыстадон конкурс «Ирыстон мæ зæрдæйы». Арæзт у сæрмагондæй скъоладзаутæн. Проекты сæйраг нысан у мадæлон æвзаджы райрæзтыл кусын æмæ курдиатджын фæсивæды рабæрæг кæнын. Куыстытæн аргъ кæндзысты цалдæр номинацимæ гæсгæ: «Мадæлон æвзагыл фыст хуыздæр эссе», «Хуыздæр хи фыст æмдзæвгæ æмæ нывæцæн», стæй «Хуыздæр ныв». Ацы аз мадзалы архайын бафæндыд 100 скъоладзауы куыд горæты, афтæ республикæйы районтæй дæр. Æртæ номинацийæ алкæцыйы дæр сбæрæг кæндзысты уæлахиздзауы. Сфæлдыстадон конкурс саразæг у хæрзаудæн фонд «Фарн». Уæлахиздзаутæн призтæ ратдзæн фонды бындурæвæрæг, Паддзахадон Думæйы депутат Мæхъиты Зураб. Конкурсмæ куыстытæ бадæттæн ис 31-æм ноябры онг электрон адрисмæ osetia.konkurs@mail.ru
