20 февраля 2020, 18:10
«Хæстон æфсымæрады» мæздæггаг хайад скъоладзаутæн æмæ студенттæн байгом кодта лекторий
Фæсивæды зонгæ кæнынц Фыдыбæстæйы Стыр хæсты сæйрагдæр хъуыддæгтимæ
«Хæстон æфсымæрады» мæздæггаг хайад скъоладзаутæн æмæ студенттæн байгом кодта лекторий. Фæсивæды зонгæ кæнынц Фыдыбæстæйы Стыр хæсты сæйрагдæр хъуыддæгтимæ. Ахуырты рæстæг лæппуты æмæ чызджытæ зонгæ кæндзысты бирæ цымыдисаг цаутимæ. Лекцитæ сын кæсынц Бæстæзонæн музейы кусджытæ, арæх арæзт вæййынц диалоджы хуызы. Фæсивæд дæттынц фæрстытæ, специалисттæ та сын раттынц бæстон дзуæппытæ. Рæзгæ фæлтæрæн равдисынц видеоуроктæ дæр. Сæ мидисы, кæй зæгъын æй хъæуы, Стыр Уæлахизы æцæг истори. Мæздæджы районы сæхи бæстон цæттæ кæнынц æфсæддон парадмæ. Уыдзæн 9-æм майы, районы центры сæйраг фæзы.
