филиал вгтрк государственная телерадиовещательная компания “Алания”

Кировы уынджы фонтан цавæрдæр аххосæгтæм гæсгæ, куыд æмбæлы, афтæ нал кусы. Горæты цæрджытæ æвдисæн уыдысты, объекты цур стыр цад кæй сæвзæрди, уымæн. Ныртæккæ уал дон ахуыссын кодтой бынтондæр. Фонтан скуыста июны астæу. Уæд йæ куысты къуылымпытæ нæ уыди. Хæстæгдæр рæстæг æм специалисттæ æркæсдзысты æмæ йæ  райдайдзысты аразын. Уæ зæрдыл уын æй лæууын кæнæм, ацы доны объект бирæ рæстæг нæ куыста, æмæ рацарæзты фæстæ адæмы зæрдæтæ рухс кæнын райдыдта фарон.