22 января 2021, 12:14
Мæздæджы районы ковиды ныхмæ райдыдтой вакинæтæ кæнын
Бонмæ дзы скæнынц 10 адæймагæн
Мæздæджы районы ковиды ныхмæ райдыдтой вакинæтæ кæнын. Процедурæ у барвæндон. Бонмæ дзы скæнынц 10 адæймагæн. Прививкæйы размæ адæймаг ацæуы дохтыры æркаст æмæ йе нæниздзинад сбæрæг кæнгæйæ райсы вакцинæйы фæстæ хи дарыны амынддзинæдтæ. Иу адæймагыл схардз кæнынц 45 минуты бæрц. Уымæ гæсгæ дохтыртæ курынц, цæмæй прививкæ скæнын кæй фæнды, уый йæхи ныффысса паддзахадон лæггæдты порталмæ бацæугæйæ. Укол у лæвар, уæдæ цæмæй йæ миниуджытæ сæфт ма цæуой, уый тыххæй Мæздæджы районы ис æппæт уавæртæ. Кæнынц æй 2 къæпхæны. Дыккаг хатт 21 бон куы рацæуа, уæд. Дохтыртæ куыд зæгъынц, афтæмæй йæ фæстиуджытæм гæсгæ дзы æппæрццæг миниуджытæ нæ раиртæстой.
