Уымæн æмæ цух æййафынц техникæйæ, æмæ сæм нæй сæрмагонд фæз
Регионалон оператор цæттæ нæу бырæттæ хицæнæй æмбырд кæнынмæ. Уымæн æмæ цух æййафынц техникæйæ, æмæ сæм нæй сæрмагонд фæз. Уый тыххæй проект «Хицауадимæ æргом ныхас» æххæст кæнгæйæ, фехъусын кодта республикæйы экологийы æмæ æрдзон æвæрæнты министр Мамиаты Чермен. Куыд загъта, афтæмæй афæдзмæ нæ республикæйы æрвылбоны хауæццæгтæ схизынц 400 тоннæмæ. Цалынмæ сæ хицæнæй æмбырд кæнын райдайой, уæдмæ уал сæ хъæуы фæкъаддæр кæнын. Министр бафиппайдта, активон куыст кæй цæуы бырондæттæ скуынæг кæныны хъуыддаджы. Ведомство саразы сæрмагонд мæйонтæ, æмæ уыдоны фæрцы уавæр кæны хуыздæр. Ныридæгæн скуынæг кодтой æнæзакъон бырондæтты 20%. Æххуыс кæнынц волонтертæ дæр. Мамиаты Чермен ма радзырдта, скъолаты æмæ рæвдауæндæтты цы хъомыладон куыст кæнынц, уый тыххæй. Уымæй дарддæр ма Цæгат Ирыстон активонæй архайы национ проект «Экологи»-йы дæр.
