Бæстыхæйттæ, зæгъæн ис, æмæ ивынц сæ хуыз æмæ цæст рæвдауынц
Зæронд хæдзæрттæн ног цард раттын. Регионалон программæ æххæст кæнгæйæ, Дзæуджыхъæуы бæстон зилынц бирæфатерон хæдзæрттæм. Бæстыхæйттæ, зæгъæн ис, æмæ ивынц сæ хуыз æмæ цæст рæвдауынц. Ивынц хæдзæртты сæртæ, æддаг бакаст, балкъонтæ, кæртытæ æмæ сæ алфамбылай территоритæ. Хуыздæрырдæм ивддзинæдтыл бынæттон цæрджытæ тынг цин кæнынц.
Ирина Гладнева у 60 азы размæ Николаевы уынджы 19-æм хæдзары чи æрцард, уыдонæй фыццаг. Бирæ азты дæргъы ам нæ уыд бындурон цалцæг æмæ бæстыхай заууатмæ æрцыд. Ацы аз æм базылдысты.
Бындурон цалцæгæн æхца зынтæй сæмбырд кодтой. Куыстыты агъоммæ сæмбырд кодтой 12%
Хæдзары хуыз, балкъоны дизайн, алцæуыл дæр проект аразджытæ хъуыды кодтой цæрджытимæ. Цалцæджы размæ балкъонты сæрмæ козыректæ нæ уыд, фæлæ сæ фатерты хицæутты фæндонмæ скодтой. Уымæй уæлдай подрядон организацийы йæхи фæрæзтæй баивта подъездты 9 рудзынджы
Бирæуæладзыгон цæрæн хæдзæрттæ бæстон цалцæгæнæн регионалон программæмæ гæсгæ, куыстытæ кæронмæ æххæстгонд æрцыдысты 21 хæдзары. Ацы азы кæронмæ стæй 2021 азмæ хъуамæ ма цалцæггонд æрцæуой 32 хæдзары. Уымæй уæлдай ма хъуамæ бындуронæй цалцæггонд æрцæуой, ацы ран цы бирæуæладзыгон хæдзæрттæ лæууынц, уыдон. Сæ арæзтад у иу архитектурон ансамблы. Хъуамæ цалцæггæнæн куысты фæстæ уый ма фесæфа, хъахъхъæд æрцæуа. Хæдзæрттæн се ддаг бакаст та уа ноджы аивдæр.
