28 октября 2020, 12:32
Республикæйы активонæй куыст цæуы фæсивæды наркотиктæй бахъахъхъæныны къабазы
Уый тыххæй фехъусын кодтой Цæгат Ирыстоны фæсивæдон комитеты
Республикæйы активонæй куыст цæуы фæсивæды наркотиктæй бахъахъхъæныны къабазы. Уый тыххæй фехъусын кодтой Цæгат Ирыстоны фæсивæдон комитеты. Регионы Битарты Вячеславы разамындæй кусы наркотикты ныхмæ къамис. Наркотикты ныхмæ паддзахадон стратегийы фæлгæты профилактикон мадзæлттæ арæзт цæуынц рæстæгæй-рæстæгмæ. Программæ царды уадзыны тыххæй республикæйæн фæстаг 4 азы дихгонд цæуынц финансон фæрæзтæ. Куыст цæуы алы кары адæмимæ. Профилактикон мадзæлтты рæстæг ахуыргæнæндæтты фæпайда кæнынц социалон-психологон тесттæй. Анкетæты руаджы сбæлвырд кæнæн ис регионы уавæр. Сæйраг нысан у статистикон бæрæггæнæнтæ фæкъаддæр кæнын. Ацы хъуыддагмæ здахынц алыхуызон куыстуæтты ргом.
