Арæзт цæуы сæрмагондæй уый тыххæй, цæмæй рагацау бæрæггонд цæуа, æрыгон адæймаг наркотиктæй пайда кæны, æви нæ, уый
Нæ республикæйы райдыдтой скъоладзауты æмæ фыццæгæм курсы студентты социалон-психологон тестыты процедурæ кæнын. Арæзт цæуы сæрмагондæй уый тыххæй, цæмæй рагацау бæрæггонд цæуа, æрыгон адæймаг наркотиктæй пайда кæны, æви нæ, уый. Ацы темæйыл ныхас цыд, накротикты ныхмæ къамисы кусæг къорды æмбырды. Амыдта йæ къамисы аппараты разамонæг Луиза Лебедева. Куыд радзырдта, афтæмæй рæзгæ фæлтæры æмæ фæсивæды æнæниздзинады уавæр нырыккон æхæснады у ахсджиагдæр фарстатæй иу. Бирæ наукон иртæстыты æмæ цардархайды фæлтæрддзинады хатдзæгтæм гæсгæ дзурæг сты ууыл, æмæ арæх æрыгон адæм фыццаг хатт зианхæссæг буаргъæдтыл куы фæцалх вæййынц, уæд сæ бон сæхи бауромын нал вæййы. Афтæмæй хæлд цæуы социализацийы процесс, æрцæуынц барадхæлдтытæ дæр. Профилактикон мадзæлттыл цæмæй фылдæр сæ зæрдæ дарой, уый тыххæй фæсивæдимæ æмæ сæ ныййарджытимæ цæуы æмбарынгæнæн куыст.
