Ныхас цыди зонындзинæдтæ уæлдæр кæныны фарстатыл
Цæгат Ирыстоны Сæргълæууæджы хæстæ рæстæгмæ æххæстгæнæг Сергей Меняйлойæн фембæлд уыди ЦИПУ-йы ректор Огъуаты Аланимæ. Ныхас цыди зонындзинæдтæ уæлдæр кæныны фарстатыл. Сергей Меняйло фæбæрæг кодта, республикæйы социалон-экономикон рæзты ахсджиаг бынат уæлдæр ахуырад кæй ахсы, уый. Абон профессионалон кадрты зонындзинæдтæ æмæ фæлтæрддзинадæй аразгæ у регионы экономикон рæзт. Нæ сывæллæттæ сты æмбæлгæ ахуырады аккаг. Махæн нæ сæйраг хæс у, рæзгæ фæлтæры аккаг ахуырадæн æппæт гæнæнтæ скæнын. Фылдæр æргом аздахын хъæуы, ахуырадон инфраструктурæйы рæзтмæ æмæ педагогикæмæ. Ацы хъуыддаджы хъæуы, ахадгæдæр программæтæ æмæ курсытыл бакусын, загъта республикæйы разамонæг. Фембæлды ныхас цыди ахуыргæнджыты профессионалон æмвæзад уæлдæр кæнынмæ дæр. Сергей Меняйло бахаста фæндон, цæмæй педагогтæ партнерты ахуыргæнджытимæ зонгæ кæной сæ кæрæдзийы фæлтæрддзинадимæ.
