Ис нæлгоймæгты Алайнаг моладзандонмæ хæстæг. Арæзтадыл цæуы æнусы æмбис, æмæ домæнтæн дзуапп нал дæтты.
Цæгат Ирыстоны 2020-æм азы реконструкцигонд æрцæудзæни, Фыййагдоны цæугæдоны сæрты чи цæуы, уыцы хид.
Ис нæлгоймæгты Алайнаг моладзандонмæ хæстæг. Арæзтадыл цæуы æнусы æмбис, æмæ домæнтæн дзуапп нал дæтты.
Фистæгæйцæуджытæн тæссаг у къахвæндаг дæр. Уавæримæ бынаты базонгæ сты æмæ бæлвырд хатдзæгтæ скодтой республикæйы Сæргълæууæг Битарты Вячеслав æмæ иннæ бæрнон кусджытæ. Куыд фæнысан кодтой, афтæмæй объекты проект у цæттæ æмæ ныртæккæ ис экспертизæйы. Уыдзæни 24 метры. Ногæй арæзт æрцæудзысты къахвæндæгтæ дæр. Уыдоны уæрх та уыдзæн метр æмæ рдæг. Специалистты хъуыдымæ гæсгæ, ам æдасдзинады домæнтæ æххæст кæнын у ахсджиаг, уымæн æмæ дзы бирæ вæййы туристтæ дæр. Ног хид уыдзæни фидардæр, цæмæй йын донивылдтыты рæстæг тæссаг ма уа, уый тыххæй. Куыстытæм бавналдзысты 2020-æм азы дыккаг æмбисы. Фембæлды рæстæг ма Битарты Вячеслав бахæс кодта, цæмæй, Георгий Уæлахизхæссæджы аргъуаны нывæфтыдтыл чи кусдзæн, ахæм специалисттæ тагъддæр ссарой. Уый та уыдзæн, Аланийыл дзуæрттæ куы бафтыдтой, уый мин сæдæ азы бæрæг кæныны фæлгæты.
