06 сентября 2019, 13:17
Цæгат Ирыстоны аразынц полиомиелиты ныхмæ иммунизаци
Фыццæгæм ноябрьмæ хъуамæ прививкæтæ скæной, фондз азы кæуыл нæма сæххæст, ахæм иу мин æмæ фондзсæдæ сывæллонæн
Цæгат Ирыстоны аразынц полиомиелиты ныхмæ иммунизаци. Фыццæгæм ноябрьмæ хъуамæ прививкæтæ скæной, фондз азы кæуыл нæма сæххæст, ахæм иу мин æмæ фондзсæдæ сывæллонæн. Республикæ æрæджы райста вакцинæйы авд мин дозæйы. Уæрæсейы фæлхасадмæ цæстдарды цæгатирыстойнаг хайады куыд загътой, афтæмæй уал ныртæккæ прививкæтæ скодтой сывæллæтты 24 процентæн. Ведомствойы зæрдæ бавæрдтой, ныртæккæ нæ республикæйы кæй нæй полиомелитæй рынчын сывæллæттæ. Фæлæ уæддæр хъæуы низы профилактикæ, уымæн æмæ йæ фæстиуджытæ вæййынц тынг уæззау.