Хистæркъласонтæ кæстæртæн радзырдтой фæндаджы сæрты хизгæйæ æдасдзинады домæнтæ куыд æххæст кæнын хъæуы, уый.
Цæгат Ирыстоны паддзахадон автоинспекцийы кусджытæ Дзæуджыхъæуы 6-æм скъолайы ахуырдзаутимæ скодтой сæрмагонд акци.
Хистæркъласонтæ кæстæртæн радзырдтой фæндаджы сæрты хизгæйæ æдасдзинады домæнтæ куыд æххæст кæнын хъæуы, уый. Æрдзырдтой фæндæгтыл цы алыхуызæн цаутæ æрцæуы, æмæ сæ фæстиуджытæй хи бахъахъхъæныны мадзæлттыл. Уый фæстæ сабитæ инспектортимæ араст сты уынгмæ, цæмæй практикæйыл ныффидар кæной сæ зонындзинæдтæ. Ахуырдзаутæм ма разæй æнхъæлмæ касти ноджыдæр иу цымыдисаг хъуыддаг. Акцийы архайджытæ ныхас кодтой ацæргæ адæмимæ, сæ зæрдыл сын æрлæууын кодтой фæндаггонд змæлды фæтк, æмæ сын байуæрстой дзаумайыл даргæ рухсгæнæнтæ, стæй зæрдылдарæнтæ.
