Дзæуджыхъæу -Аырдон- Цыкола – Лескены фæндаджы 78-æм километры хид арæзт уыд ивгъуыд æнусы 50-йæм азты æмæ йæ техникон уавæр абоны домæнтæн дзуапп нал лæвæрдта
Цæугæдон Урухы сæрты хиды цалцæг хъуамæ фæуа афæдзы кæронмæ. Дзæуджыхъæу -Аырдон- Цыкола – Лескены фæндаджы 78-æм километры хид арæзт уыд ивгъуыд æнусы 50-йæм азты æмæ йæ техникон уавæр абоны домæнтæн дзуапп нал лæвæрдта. Фæндæгтæ цалæггæнæн аразæн управленийы пресс-службæйæ куыд хъусын кæнынц, афтæмæй куыстытæ цæуынц «Регионалон æмæ бынæттон автомобилон фæндæгты рацарæзты» паддзахадон программæмæ гæсгæ. Хиды цалцæгыл фæлтæрдджын специалисттæ кусынц 2 рады. Ныртæккæ аразынц хиды бындур, æвæрынц æфсæн-бетон цæджындзтæ, уыдзысты 7. Хидæн йæ дæргъ уыдзæн 113 метры, йæ уæрх та 12. Æмтгæй та йæ бахизæнтимæ уыдзæн 1 километрæй фылдæр. Хæстæгдæр рæстæг ма арæзтады кусын райдайдзысты уæлæмхасæн бригадæтæ æмæ хъæугæ техникæ.
