Ныхас цыди, культурон нысаниуæг кæмæн ис, ахæм объекттæ ног æмæ реставраци кæныныл, культурæйы къабаз нымæцонмæ раивын
Республикæйы Хицауады сæрдар Тускъаты Таймураз онлайн-бастдзинады фæрцы кусæг фарстатыл æрныхас кодта культурæйы министр Къубалты Эльбрусимæ. Боны фæткмæ рахастой, национ проект «Культурæ» 2020-æм азы куыд æххæстгонд цæуы, уый.
Ныхас цыди, культурон нысаниуæг кæмæн ис, ахæм объекттæ ног æмæ реставраци кæныныл, культурæйы къабаз нымæцонмæ раивын, стæй национ проект царды рауадзынæн цы æхцайы фæрæзтæ дихгонд цæуы, уыдон куыд хардз кæнынц, ууыл. Уымæй уæлдай, бæрнон кусджытæ дзырдтой республикæйы хъæуты нырыккон культурон объекттæ кæй хъæуы, ууыл.
Къубалты Эльбрус куыд загъта, афтæмæй ацы аз цалцæггонд æрцæудзысты 7 культурæйы хæдзары. Республикæйы бюджетæй ма уæлæмхасæн базилдзысты ноджыдæр Æрыдоны æмæ Толдзгуыны культурæйы объекттæм.
