Уый фæстæ рахыстысты боны фæткы фарстатæм
Республикæйы хицауады сæрдар Тускъаты Таймураз æнæнхъæлæджы цауты ныхмæ арзæт къамисимæ цы æмбырд сарæзта, уым ныхас цыд фæстиуджытæ иуварс кæныны æмæ зынгсирвæзт ма руадзыны фарстатыл. Раарфæ кодта, 3-æм июны æрдзон фыдбылызы фæстиуджытæ иуварс кæныныл чи архайдта, уыдонæн. Уый фæстæ рахыстысты боны фæткы фарстатæм. Æвдыст æрцыд бынæттон хиуынаффæйадимæ æмгуыстады пълан. Куы йæ сфидар кæной, уæд арæзт цæудзысты сæрмагонд ахуыртæ. Цæмæй планы цы ис, уый практикон æгъдауæй сфидар кæной.
Æмæ ма ис ахджиаг фарста, уый ахуыргæнæндæтты саразын зынгсирвæзты ныхмæ мадзæлттæ. Ног ахуыры азмæ куыд цæттæ сты сæрмагонд бæстыхæйттæ, уый тыххæй радзырдта æнæнхъæлæджы цауты министрады цæстдарæн æмæ профилактикон куысты хайады хицау Дзанайты Павел. Цы 47 объектты бабæрæг кодтой, уым бафиппайдтой 751 рæдыды. Административон дзуапп дæтдзысты 46 адæймаджы. Къамисы æмбырды ныхас цыд, цæмæй Владимир Путины хæслæвæрдмæ гæсгæ райдиан къласонты лæвар тæвд хæринагæй фсадыны хъуыддаджы къуылымпыдзинæдтæ ма æрцæуа. Стыр æргом аздахын хъæуы, хæринаг кæм фыцынц, уыцы кусæнуæтты санитарон домæнтæм.
Æдасдзинады фарстатæ сты ахсджиагдæр, загъта хицауады сæрдар Тускъаты Таймураз.
