01 октября 2020, 13:01
Уæрæсейы фæлхасадмæ цæстдарды службæ, 60 азæй уæлæмæ кæуыл цæуы, уыцы адæмæн амоны, цæмæй гæнæн æмæ амалæй ма цæуой дуканитæм, бирæвæрсыг центртæм æмæ банктæм
Ведомствойы уымæй уæлдай адæмы зæрдыл лæууын кæнынц, цæмæй ма рох кæной профилактикæйы мадзæлттæ
Уæрæсейы фæлхасадмæ цæстдарды службæ, 60 азæй уæлæмæ кæуыл цæуы, уыцы адæмæн амоны, цæмæй гæнæн æмæ амалæй ма цæуой дуканитæм, бирæвæрсыг центртæм æмæ банктæм. Коммуналон фиддонтæ та цæмæй бабар кæной социалон службæты кусджытæн. Ведомствойы уымæй уæлдай адæмы зæрдыл лæууын кæнынц, цæмæй ма рох кæной профилактикæйы мадзæлттæ. 60 азæй уæлæмæ кæуыл цæуы, уыцы адæм сты тæссагдзинады къорды. Ацæргæ адæм куы фæрынчын вæййынц, уæд сын низ арæхдæр расайы пневмониямæ. Уæ зæрдыл уын æрлæууын кæндзыстæм — Цæгат Ирыстоны республикæйы сæргълæууæджы уынаффæмæ гæсгæ 65 азæй уæлæмæ кæуыл цæуы, уыцы адæмæн 4-æм октябрьмæ аргъæвтой хи изоляцийы фæтк.