Уый у регионы дзыллон информацион фæрæзты лæвар ахуырадон практикум. Хуынд æм фæцæуынц регионалон æмæ бынæттон дзыллон информацион фæрæзты журналисттæ.
Дзыллон информацион фæрæзтæ, æхсæнад æмæ хицауад. Национ наукон библиотекæйы уыд Уæрæсейы журналистты цæдисы Инфорум. Уый у регионы дзыллон информацион фæрæзты лæвар ахуырадон практикум. Хуынд æм фæцæуынц регионалон æмæ бынæттон дзыллон информацион фæрæзты журналисттæ. Уæвгæ фехъусынæй, фенын хуыздæр у. Инфорумы уæнгты куыст федта Сосранты Жаннæ, æмæ йын ныхасы бар.
Инфорум Цæгат Ирыстоны. Уæрæсейы журналистты цæдисы проект парахат кæны æппæт регионты дæр. Дзæуджыхъæуы наукон библиотекæйы цы Инфорум арзæт æрцыд, уый архайджытæ сæ кармæ æмæ фæлтæрддзинадмæ гæсгæ сты алыхуызон. Уый у, æнæмæнг, хорз хъуыддаг , зæгъынц инфорумы архайджытæ.
Форум рауад бирæвæрсыг æмæ цымыдисаг. Федералон медиаэксперттæ дзырдтой абоны журналистикæйы ахсджиаг фарстатыл. Уыимæ дзыллон информацион фæрæзты æрыгон минæвæртты профессионалон цæттæдзинадмæ æвæрæн бахæссын.
Сæ фæлтæрддзинадимæ форумы архайджыты зонгæ кодтой Уæрæсейы зындгонд журналисттæ. Сæ лекциты рæстæг дзырдтой журналистикæйы абоны ног гæнæнты тыххæй. Сæ ныхæстæм гæсгæ ныртæккæ адæммæ информаци фæхæццæ кæныныл кусын хъæуы алывæрсыгæй – интернеты, газетты, телеуынынады æмæ æндæр фæрæзты фæрцы.
Инфорумы географи азæй азмæ кæны уæрæхдæр. Фарон арæзт æрцыд Уæрæсейы 21 регионы. Æдæппæтæй практикум баиу кодта 5 мин архайæджы. Ацы аз та форумы архайы 25 областы æмæ республикæйы. Форумы архайджыты хсæн уыдысты сыхаг регионты минæвæрттæ дæр. Сæ иу Дагестаны журналистты цæдисы сæрдар, авайраг æвзагыл цæуæг газеты сæйраг редактор Али Камалов. Уый йе ргом раздæхта национ æвзæгтæ бахъахъхъахъæныны фарстамæ. Загъта, национ журналисттикæ ныртæккæ зын уавæры кæй у æппæт Цæгат Кавказы дæр. Зæрдæмæдзæугæ кæй нæу, мадæлон æвзагыл фыссæг журналисттæ къаддæр кæй кæнынц, уый.
Инфорумы модератор, Цæгат Ирыстоны журналистты цæдисы сæрдар Хъуысаты Тимур фембæлдмæ æрбацæуджытæн бар радта сæ хъуыдытæ раргом кæнын æмæ сæвзæрст фарстатæн дзуæппытæ райсынæн.
Инфорумы уæнгтæ ма бабæрæг кодтой республикæйы дзыллон информацион фæрæзтæ. Сæ иу республикон газет «Рæстдзинад». Дагестаны делегацийы бафæндын фембæлын йæ сæраг редактор æмæ кусджытимæ.
Фембæлд рауад цымыдисаг, куыд фысымтæн, афтæ уазджытæн дæр.
Анæмæнг, ахæм фембæлдтыты фæрцы райгуырынц ног иумæйаг пректтæ, хъуыдытæ.
