Конкурсы архайынмæ сæ документтæ балæвæрдтой 84 курдиаты. Рагагъоммæ дзы уыди дыууæ къæпхæны.
Хъæууон хæдзарады министрады уыди гранттæ дæттыны къамисы æмбырд.
Конкурсы архайынмæ сæ документтæ балæвæрдтой 84 курдиаты. Рагагъоммæ дзы уыди дыууæ къæпхæны. Фыццаджы ныхас цыди, 3 милуан сомы онг субсиди райсыныл йæ зæрдæ чи дары уыдоныл. Дыккаджы та – 3 милуанæй фылдæрыл. Национ проект æххæстгæнгæйæ, æдæппæтæй хъæууон хæдзарады райрæзтæн дихгонд æрцыди 180 милуан сомы. Уыдонæй, 140 радтой кооперативтæ скæнынæн. 40 та – райдайгæ фермертæн баххуыс кæнынæн. Фыццаг хатт программæмæ хаст æрцыди къозотæ зайын кæныны къабаз дæр. Гранттæ чи райсдзæн, уыдонæн аргъ кодтой цалдæр домæнмæ гæсгæ. Къамисы хыгъды уыдысты æхсæнадон организациты, бизнесы, æхсæнадон палатæйы æмæ æндæр структурæты минæвæрттæ. Мадзалы архайдта республикæйы хицауады сæрдар дæр. Тускъаты Таймураз арфæ ракодта хъæууон хæдзарады кусджытæн, Цæгат Ирыстоны социалон-экономикон рæзтмæ се вæрæн кæй хæссынц, уый тыххæй.
