Хицæн уаццагтыл хорзайæн хæццæ кæны 70-80 центнеры онг иу гектарæй
Æрыдоны районы йæ тæмæны ис уалдзыгæнд культурæтæ æфснайыны кампани. Раздæр аграритæ бафснæйдтой фæззыгæндтæ. Специалисттæ куыд зæгъынц, афтæмæй ацы сезоны тыллæгæн уыд зæрдæмæдзæугæ уавæртæ. Хицæн уаццагтыл хорзайæн хæццæ кæны 70-80 центнеры онг иу гектарæй. Æфснайæн кампани фæнд кæнынц ноябры кæронмæ фæуын. Бæлвырддæр радзурдзæн Хъайтмазты Дзерассæ.
Ацы быдырты, Хъæдгæронмæ хæстæг, æмбырд кæнынц сойæ. Хæдзарады ацы культурæйæн радих кодтой 500 гектары. Ныртæккæ кусынц 2 комбайны, дарддæр тыллæг куыд æфснайдзысты, уый боныхъæдæй аразгæ у. Сойæ ахсджиаг у куыд æрмæст культурæ нæ, фæлæ ивгæтыдæн дæр. Хæдзарады ма зайын кæнынц ныртхор æмæ мæнæу дæр. Иннæ сезонмæ пълæнтты ис мæнæуы фæзуат фæфылдæр кæнын, уый фæстæ та уæгъд зæххы уаццагты хайы ногæй байтаудзысты нартхор.
Æрыдоны районы иу хæдзарад ма ис Бæрæгъуыны. Ам æмбырд кæнынц нартхор 300 гектары бæрц фæзуаты. Специалистты ныхæстæм гæсгæ, ацы сезоны боны ахаст тыллæгæн зæрдæмæдзæугæ уыд. Хицæн уаццагтыл хорзайæн хæццæ кæны 70-80 центнеры онг иу гектарæй.
Æдæппæтæй районы байтыдтой 15 мин 800 гектары нартхор, 1 мин 200 гектары бæрц – сойæ. Раздæр аграритæ фæззыгæнд культурæтæ бафснæйдтой 2 мин 500 гектары фæзуатыл. Фесты картоф æмæ халсартæ æфснайын дæр. Уыдон бацахстой 32 гектары. Уалдзыгæнд культурæйы æфснайæн кампани Æрыдоны районы йæ тæмæны ис. Аграриты хъæуы сисын тыллæг 10 мин гектарæй. Ацы хъуыддаг фæнд кæнынц ноябры кæронмæ фæуын.
