Йæ экспонаттæ сты, Уырыссаг театры ивгъуыды рæстæджы сæрты æрцæуæг æвдисæндартæ
Евгений Вахтанговы номыл Уырыссаг академион театры арæзт æрцыд историон – документалон равдыст «Кавказы легендарон театр». Йæ экспонаттæ сты, Уырыссаг театры ивгъуыды рæстæджы сæрты æрцæуæг æвдисæндартæ. Равдыст аразджытæ сты æнæкоммерцион оганизаци «Арфа» æмæ фонд «Фыдыбæстæйы Истори». Экспозици байгом кодтой Уырыссаг академион театры аивадон разамонæг Владимир Уваров, нæ республикæйы цæрæг адæмыхæттыты хæлардзинады хæдзары директор Кочиты Георгий, стæй Цæгат æмæ Хуссар Ирыстоны адæмон артисткæ Пагæты Фатимæ. Равдысты фæрцы театруарзджытæн фадат уыд рагон спектакльты къамтæ æмæ актерты уæлæдарæс фенынæн. Цæгат Ирыстоны гуманитарон æмæ социалон иртæстыты институт та бацæттæ кодта рагон афишæты, программæты æмæ театралон хуынды гæххæттытимæ стенд.
