Арæзт æрцыд грекъаг сакъадах Родосы.
Доулистты ансамбль «Ритмы гор» рамбылдта гран-при аивæдты 4-æм æппæтадæмон фестиваль «Сокровища Эллады»-йы. Арæзт æрцыд грекъаг сакъадах Родосы. Афтæмæй сæ хæрзиуджыты къæбиц зынгæ фæхъæздыгдæр. Куыд бафтыд сæ къухы радон æнтыстдзинад, уый тыххæй радзурдзæн нæ уацхæссæг Томайты Батраз.
Кадджын фестивалы уæлахизы фæстæ, ахуыртæ цæуынц се рвылбоны фæткмæ гæсгæ. Кæй зæгъын æй хъæуы, амоны сæ ансамбль «Ритмы горы»-ы æнæивгæ разамонæг Карсанаты Мæхæмæт. Куыд зæгъы, афтæмæй радон æнтыстдзинад фæллад уадзынæн фадат нæ дæтты. Иуæндæсаздзыд Георгий коллективы архайы ныр афæдзы бæрц. Уыцы-иу рæстæг йе ргом здахы спортмæ дæр. Уарзы каратэ, фæлæ доулыл цæгъдын ахсы фыццаг бынат.
Ирыстойнаг доулисттыл Родосы сакъадахы сæмбæлыдысты тыхджын къухæмдзæгъдимæ. Фестивалы архайдтой кафджытæ, стæй вокалон æмæ инструменталон коллективтæ Уæрæсейæ, Казахстанæй, Финляндийæ æмæ Грецийæ. Ныртæккæ ирыстойнаг коллектив йæхи цæттæ кæны радон сфæлдыстадон конкурстæм. Сæ гастрольты фæтк фыст у иннæ азы уалдзæджы онг.
Ансамбль «Ритмы гор»-ыл цæуы ныр дыууын фондз азы. Ардыгæй рацыд доулистты цалдæр фæлтæры. Алы хатт дæр коллектив алыхуызон фестивальтæй нæ республикæмæ сласы гран-при, æмæ æндæр хæрзиуджытæ. Сæ зæлтæм хъусын та алкæмæн дæр хæссы æхсызгондзинад.
