16 февраля 2021, 13:32
Цымытийы бындурон цалцæджы фæстæ кадджын уавæры байгом кодтой культурæйы хæдзар
Мадзал, ирон æгъдаумæ гæсгæ, райдыдта хуыцаумæ скуывдæй
Æрыдоны районы хъæу Цымытийы бындурон цалцæджы фæстæ кадджын уавæры байгом кодтой культурæйы хæдзар. Мадзал, ирон æгъдаумæ гæсгæ, райдыдта хуыцаумæ скуывдæй. Культурæйы артдзæст байгом кæнынмæ хуынд æрцыдысты республикæйы хицауады сæрдар Тускъаты Таймураз æмæ Æрыдоны районы муниципалон сконды Тотраты Владислав. Раздæры культурæйы хæдзар уыдис кæлæддзаг уавæры. Цалцæггæнæн куыстытæ скодтой 3 мæймæ. Ныртæккæ дзы ис 50 бынаты, æмæ дзы кусы театралон къорд.
