17 февраля 2021, 13:07
Дзауджыхъæуы равæрдтой Дагестаны зындгонд нывгæнæджы экспозици
Равдыст фенæн уыдзæн 29-æм мартъимæ.
Пушкины номыл Паддзахадон аивадон музейы Цæгат-Кавказаг филиалы равæрдтой экспозици ахæм сæргондимæ «Августовичи-Конопацкие-Колесниковы-Мурзабековы». Бахастой йæм нывкæнынад, графикæ, стæй Дагестаны 8 зындгонд нывгæнæджы сфæлдыстад æмæ цардвæндагыл дзурæг документтæ. Нывгæнджытæ кæрæдзиимæ бæтты бинонты ахастдзинад. Сфæлдыстады курдиат дзы лæвæрд цæуы фыдæй фыртмæ. Уый нывгæнджыты хсæн вæййы стæм хатт. Тексттæ, видео, къамтæ сты фæлтæрты царды æвдисæнтæ. Нывтæ, графикæ, æдæппæтæй 60 куысты сты зындгонд династийы аивдон æмæ гуманитарон бынтæ. Равдыст бацæттæ кодтой Дагестаны национ музейы æмæ хицæн адæмы æххуысæй. Экспозици фенæн уыдзæн 29-æм мартъимæ.
