30 марта 2021, 12:34
Сывæллæтты сфæлдыстады галуаны арæзт æрцыд традицион бæрæгбон «Азар, фæндыр!»
Сценæмæ рацыдысты республикæйы æппæт районты минæвæрттæ, стæй ма уазджытæ Кæсæг-Балхъары республикæйæ
Сывæллæтты сфæлдыстады республикон галуаны арæзт æрцыд ирон музыкæйы традицион бæрæгбон «Азар, фæндыр!». 150 æвзонг музыканты онг ацагътой ирыстойнаг композиторты уацмыстæ æмæ адæмон мелодитæ. Æппæтæй кæстæр архайджытыл цыди 6 азы, æппæты хистæртыл та — 17. Сценæмæ рацыдысты республикæйы æппæт районты минæвæрттæ, стæй ма уазджытæ Кæсæг-Балхъары республикæйæ. Музыкалон бæрæгбон саразджыты хъуыдымæ гæсгæ, ахæм фембæлдтытæ фадат дæттынц аивад уарзæг сывæллæтты курдиат ирддæрæй раргом кæнынæн.
