Йæ фæзы ацы аз баиу кодта 24 коллективы
Дзæуджыхъæуы хатдзæгтæ скодтой æппæтадæмон фестиваль «Кафты дуне»-йæн. Йæ фæзы ацы аз баиу кодта 24 коллективы. Архайдта дзы 500 адæймаджы. Уагæвæрдмæ гæсгæ хъуамæ алы къорд дæр жюрийы размæ рахастаид дыууæ кафты. Сæхи фæлвæрдтой æртæ номинацимæ гæсгæ. Сæ кармæ гæсгæ та кафджытæ дихгонд æрцыдысты æртæ хайыл – 8 -æй 11азы онг, 12 -æй 15азы онг æмæ 16 фылдæр кæуыл цæуы, ахæмтæ. Ацы аз, эпидимиологон уавæрмæ гæсгæ сфæлдыстадон форумы нæ архайдтой æндæр республикæты минæврæттæ. Фестиваль «Кафты дуне» арæзт æрцыд республикæйы фæсивæды хъуыддæгты фæдыл комитеты æмæ фæсивæды галуаны разамынды фæрцы. Хуыздæрты нæмттæ фехъусын кодтой гала-концерты, æмæ сæ схорзæхджын кодтой кады гæххæттытæй æмæ зæрдылдарæн лæвæрттæй.
