Ссардтой дзы Уæрæсейы аивæдты сгуыхт кусæг, фыццаг профессионалон балетмейстер Уарзиаты Хадзысмелы рухс ном
Мæскуыйы адæмыхæттыты хæдзары сбæрæг кодтой кафты æппæтадæмон бон, равдыстой дзы кино «Сопротивление». Ссардтой дзы Уæрæсейы аивæдты сгуыхт кусæг, фыццаг профессионалон балетмейстер Уарзиаты Хадзысмелы рухс ном. Кинонывы режиссер – журналистты æппæтадæмон конкурс «Серебряное перо»-йы лауреат Азæмæтты Любовь. Уæвгæ, кино уагъд æрцыди Хадзысмелы 80 азы юбилеймæ. Кино у йæ цард æмæ йе сфæлдыстады айдæн, сæмбырд дзы кодтой йæ хиуæтты, æмкусджыты, хæлæртты æмæ зонгæты мысинæгтæ. Кино саразджытæ куыд зæгъынц, афтæмæй Уарзиаты Хадзысмел хауы хæсты сывæллæттæм, сабидуг чи нæ базыдта, уыдонмæ. Номарæн мадзалы архайдтой æхснадон кусджытæ, Мæскуыйы ирон æхсæнады минæвæрттæ, стæй, кафты дæсныйы сфæлдыстадæн стыр аргъ чи кæны, ахæм адæм.
