Уый тыххæй агропромышленнон комплексы минæвæрттимæ фембæлды рæстæг фехъусын кодта республикæйы сæргълæууæджы хæстæ рæстæгмæ æххæстгæнæг Сергей Меняйло
Хъæууон хæдзарад хъуамæ суа республикæйы экономикон рæзты ахадгæдæр къабæзтæй иу. Уый тыххæй агропромышленнон комплексы минæвæрттимæ фембæлды рæстæг фехъусын кодта республикæйы сæргълæууæджы хæстæ рæстæгмæ æххæстгæнæг Сергей Меняйло. Фембæлд ацыд агрохолдинг «Мастер-Прайм. Березка»-йы территорийы. Республикæйы разамонæгæн равдыстой рауагъдад. Фæстæдæр Сергей Меняйло байхъуыста се ппæт фæндонтæм дæр. Хъæууон хæдзарады кусджытæ радзырдтой сæ проектты тыххæй, æмæ фехъусын кодтой сæ къуылымпыдзинæдты тыххæй. Алкæйы тыххæй дæр дзы республикæйы сæргълæууæг бахæс кодта профилон министрадæн. Инвестицион проекттæм æркæсдзæн сæрмагонд совет. Амалхъом адæмæн активонæй æххуыс кæны Уæрæсейы хъæууонхæдзарадон банк дæр. Льготæтæм гæсгæ сын дæтты кредиттæ. Æмгуыстад цæудзæн дарддæр.
