13 июля 2021, 12:42
Гадаты Лазарь æмæ Цæрикъаты Билары куыстытæ фенæн ис Æппæтуæрæсеон декоративнон аивæдты музейы равдысты
Байгом дзы кодтой скульптурон проект «Один взгляд на внешнее пространство»
Скульптортæ Гадаты Лазарь æмæ Цæрикъаты Билары куыстытæ фенæн ис Æппæтуæрæсеон декоративнон аивæдты музейы равдысты. Байгом дзы кодтой скульптурон проект «Один взгляд на внешнее пространство». Ацы скульпторы индивидуалон авторон æрмдзæф рагæй у зындгонд, сæ куыстытæ та цæхгæр хицæн кæнынц. Равдыст саразджытæ куыд зæгъынц, афтæмæй ирыстойнаг скульптортæ кусынц уæрæсейаг æмæ европæйаг ног традицитæм гæсгæ, ууыл та сфидауын кæнынц национ миниужытæ. Равдысты ма равæрдтой скульптортæ Михаил Дронов æмæ Виктор Корнеевы куыстытæ. Иу гом фæзуаты æппæт куыстытæ дæр нысан канынц хи цæстæнгас нырыккон скульптурæйы ХХ – ХXI æнусы райдиан. Проект фенæн уыдзæн 28-æм ноябрьмæ
