10-æм августмæ нывгæнджытæн араздзысты дæсныйадæвдисæг ахуыртæ, лекцитæ, базонгæ уыдзысты аивады къабазы раззагдæр специалисттимæ
25 æрыгон нывгæнæджы Махачкалайæ, Дербентæй, Налцыккæй æмæ Дзæуджыхъæуæй архайынц арт-резиденци «АРТ Кавказ Next»-ы. 10-æм августмæ нывгæнджытæн араздзысты дæсныйадæвдисæг ахуыртæ, лекцитæ, базонгæ уыдзысты аивады къабазы раззагдæр специалисттимæ. Уымæй уæлдай сын равдисдзысты Дзæуджыхъæуы историон бынæттæ. Программæйы ис практикон хай дæр. Йæ фæрцы архайджытæ царды рауаддзысты сæхи æрхъуыдыгонд арт- проекттæ. Се ппæт дæр баст сты горæты тыгъдадимæ. Уый фæстæ та сæ нывгæнджытæ равæрдзысты кæронбæттæн сæрмагонд равдысты. «Арт Кавказ Некст» аразынц 14-æм фестиваль «Аланикæйы» агъоммæ. Уый нымад у Цæгат Кавказы нырыккон аивады ирддæр мадзалыл æмæ байгом уыдзæнис сентябры.
