4 боны 150 адæймагæй фылдæр ерыс кодтой 10 номинацийы
Гергиты Валерийы номыл аивæдты колледжы кад кодтой конкурс «Ирыстоны æвзонгдзинады» уæлахиздзаутæн. 4 боны 150 адæймагæй фылдæр ерыс кодтой 10 номинацийы. Сæ зонындзинæдтæ æмæ арæхстдзинад æвдыстой инструменталон аивады æмæ академион вокалы. Конкурсы уæлахиздзаутæн раарфæ кодтой республикæйы культурæйы министры хæдивæг Хъуыссæты Зæлинæ стæй фæсивæды хъуыддæгты комитеты сæрдар Джусойты Руслан. Сæ профессионалон архайды фæдыл культурæйы министрады арфæйы фыстæджытæй схорзæхджын кодтой, фæсивæды чи бацæттæ кодта, уыцы бæрнон жюрийы уæнгты. Уæвгæ, конкурс арæзт цæуы, национ культурæ æмæ адæмон сфæлдыстад парахат кæныны нысанимæ. Уæлахиздзауты делегаци Цæгат Ирыстоны кад хъахъхъæндзæн æппæтуæрæсеон Дельфийаг хъæзтыты 2023-æм азы Саратовы.
