Ацы бонмæ республикæйы æппæт музейтæ байгом кодтой сæ дуæрттæ уазджытæн
Цæгат Ирыстоны уыд æппæтадæмон акци «Музейты æхсæв». Ацы бонмæ республикæйы æппæт музейтæ байгом кодтой сæ дуæрттæ уазджытæн. Алкæцыйы дæр бацæттæ кодтой хи цымыдисаг программæ. Æппæт фæзтæ куыстой сæумæрайсомæй æхсæвы онг. Бабæрæг сæ кодтой республикæйы сæдæгай цæрджытæ æмæ уазджытæ. Бæлвырддæр раудзрдзæн Хъайтмазты Дзерассæ.
Æлыгимæ кусынæй дæсныйадæвдисæг ахуыр сæмбырд кодта бирæ адæм. Нывгæнæг-керамист Бæцойты Каринæ раргом кодта дурынгæнæн хъуыддаджы сусæгдзинæдтæ. Радзырдта, æлыгы хуызты æмæ æууæлты, стæй æрмæджы æнæформæ хайæ цымыдисаг дзаума куыд скæнын ис, уый тыххæй. Национ музейы уыд Каринæйы сæрмагонд равдыст дæр. Автор æм бахаста 70 куыстæй фылдæр – нывтæ æмæ керамикæ. Дæсныйадæвдисæг ахуыры кæрон та алкæмæндæр уыд, дурынгæнæн хъуыддаджы йæ тыхтæ бавзарыны фадат.
Æппæтадæмон акци «Музейты æхсæв» æххæстгæнгæйæ, республикæйы æппæт музейтæ байгом кодтой сæ дуæрттæ уазджытæн. Алкæцыйы дæр бацæттæ кодтой хи цымыдисаг программæ. Дзæуджыхъæуы театралон музейы аивадуарзджытæ федтой 3 равдысты. «Дунейы маэстро». Арæзт у Мариинаг театры æмæ Стыр театры аивадон разамонæг Гергиты Валерийы кадæн. Хаст æм æрцыдысты номдзыд дирижеры архивон хуызистытæ. «Гражданин. Актер. Патриот». Уый баст у Уæрæсейы адæмон артист Уататы Бимболаты райгуырды 85 азимæ. Стæй равдыст «Æрыгон курдиæттæ». Бацæттæ йæ кодтой Дзæуджыхъæуы аивадон училищæйы ахуырдзаутæ.
«Сквозь века. В одном строю. Плечо к плечу». Ахæм сæргонд ис, Ирыстон Уæрæсеимæ куы баиу, уый 250 азимæ баст экспозицийæн. Æвдыст дзы цæуы республикæ стыр бæстæйы хыгъдмæ куыд бацыд, уыцы хæстон фæндаг. Сæрмагонд æргом аздæхтой алы хæстыты хъайтартæм. Равдыстмæ хаст æрцыдысты хæцæнгæрзтæ, алыхуызон мигæнæнтæ, историон хуызистытæ.
Акци «Музейты æхсæв» æххæстгæнгæйæ, æппæт фæзтæ куыстой сæумæрайсомæй æхсæвы онг. Бабæрæг сæ кодтой республикæйы сæдæгай цæрджытæ æмæ уазджытæ.
