Проект пайда уыдзæн инженертæн æмæ реставратортæн
Инновацион технологитæ æмæ традицион культурæ сбæттын. Национ преми «Уæрæсе – гæнæнты бæстæ»-йы финалист Михаил Скобенко кусы Мариинаг театры историон бæстыхайы нымæцон фаззон саразыныл. Проект пайда уыдзæн инженертæн æмæ реставратортæн. Йæ фæрцы сæ бон уыдзæн базонын бæстыхайы конструкциты уавæр. Бæлвырддæр радзурдзæн Хъайтмазты Дзерассæ.
Вахтанговы хæдзар-музейы Михаил Скобенко йæ бинойнаг Маринæимæ хуымæтæджы нæй. Ацы хæдзары райгуырд, æмæ йын ныр цымыдисаг у, бæстыхаймæ куыд базылдысты, уый. Кæд Михаил равзæрста инженеры дæсныйад, уæд ныр йæ цард æнгом баст у культурæимæ, стæй ма нымæцон трансформациимæ.
Национ преми «Уæрæсе – гæнæнты бæстæ» райдыдта фарон. Цыппор мин курдиаты чи балæвæрдта, уыдонæй иу уыд Михаил. Æвзæрсты хатдзæгтæм гæсгæ сбæрæг сты 100 финалисты. Жюри уæлдай аргъ скодта Михаилы проектæн. Хуыйны «Мариинаг театры историон бæстыхайы нымæцон фаззон». Нырыккон уæрæсейаг программон фæрæзтæй пайдагæнгæйæ, Михаил Скобенко йе мкусджытимæ скодта, 160 азæй фылдæр кæуыл цæуы, уыцы историон сценæйы иртæстытæ. Михаилæн бантыст бæстыхайы нымæцон модель скæнын. Йе руаджы инженертæ æмæ реставратортæ райстой бæлвырд æрмæг театры конструкциты уавæр базонынæн.
Михаилы ныхæстæм гæсгæ, уый у радон æнтыстджын къахдзæф BIM-технологитæй арæзтады æмæ проекттæ кæныны ахадгæйæ пайда кæныны хъуыддаджы. Аразгæ интеллектимæ баст системæтæ парахат кæнын контенты ног хуызтæ аразынæн, процесстæ фенцондæр кæнын, бæрæггæнæнтæн анализ кæнын. Ахæм у нæ фидæн.
Михаил Скобенко куыд зæгъы, афтæмæй йæ хæс у – инновацион технологиты æмæ традицион культурæйы *хсæн бастдзинад сфидар кæнын, æмæ æнæзынгæ хид саразын. Национ преми та хъуамæ ацы хъуыддаджы зынгæ баххуыс кæна.
