Проект баиу кæндзæн Цæгат Ирыстоны скъоладзауты, фæсивæдон, хæдахуыр æмæ инклюзивон театртæ
Дзæуджыхъæуы арæзт æрцыд, культурон хъæппæристы Президентон фонды уæлахиздзау проект «Сæрдыгон театралон резиденцийы» презентаци. Проект баиу кæндзæн Цæгат Ирыстоны скъоладзауты, фæсивæдон, хæдахуыр æмæ инклюзивон театртæ. Культурæйы зындгонд архайджытæ се ппæтæн дæр араздзысты дæсныйадæвдисæг ахуыртæ актеры дæсныйадæй, вокалæй, грим кæнынæй, сценикон аив ныхасæй æмæ змæлдæй. Сæрдыгон резиденци кусдзæн августы кæронмæ. Алы сабаты дæр камерон театр ШКиТы. Проект арæзт у – адæмы хсæн уырыссаг æмæ дунеон литературæ парахат кæнынмæ. Кæронбæттæны та уыдзæн цымыдисаг программæ. Бæлвырддæр та цыбыр драмон пьесæты цикл «Чысыл трагедитæ» æмæ Александр Пушкины уацмыстæм гæсгæ театрализацигонд концерт. Постановкæтæ æвæрд уыдзысты уырыссаг æмæ ирон æвзагыл. Зæгъдзыстæм ма уый дæр, æмæ проект æххæстгонд цæуы культурон хъæппæристы Президентон фонды æххуысæй. Уым бацархайын у алкæйы бон дæр.