филиал вгтрк государственная телерадиовещательная компания “Алания”

Цæгат Кавказы регионты хсæн нæ республикæ нымад æрцыд кæсагдарыны продукци уадзыны лидер. Уымæй дарддæр ма раззагдæр бынат ахсы Уæрæсейы дæр. Уый тыххæй йæ телеграм-каналы фехъусын кодта Цæгат Ирыстоны Сæргълæууæг Сергей Меняйло. Республикæйы разамонæг куыд загъта, афтæмæй ма 7 азы размæ продукцийы бæрц уыд 340 тоннæйы. Ивгъуыд аз та 6 мины фылдæр. Уыимæ ма ацы къабазæн ис стыр фидæн. Экспертты хъуыдымæ гæсгæ, Цæгат Ирыстоны хъомыс у – афæдзмæ 30 мин тоннæйы бæрц. Ныртæккæ республикæйы кусы 62 профилон куыстуаты. Æнтыстджынæй царды уадзынц егъау инвестицион проекттæ. Уыдонæй цалдæр – 5 азы фæсты нысан кæнынц афæдзмæ балер кæсаджы 10 мин тоннæйы уадзын.