филиал вгтрк государственная телерадиовещательная компания “Алания”

Республикæйы Национ музейы равдыстадон залы кадджын уавæры байгом Цæгæраты Максимы куыстыты сæрмагонд равдыст. Экспозици хуыйны царды нывтæ æмæ дзы æвдыст цæуы нывгæнæджы сфæлдыстадон фæндаг æртын азы дæргъы. Фенæн дзы ис тематикон композицитæ, портреттæ, натюрморттæ æмæ пейзажтæ. Йæ алы уацмысы дæр автор æвдисы йæ миддуне, цардыл сагъæс æмæ адæймаджы бынатыл ацы дунейыл. Нывгæнæджы куыстытæй иу январы бахастой республикæйы аивадон музейы фондмæ. Зæгъдзыстæм ма уый дæр, æмæ Цæгæраты Максим райгуырд Налцыччы, у Суриковы номыл Мæскуыйы академион аивады институты рауагъдон. Йæ курдиатæн ын ис бирæ аргъгæнджытæ.