Хицауады сæрдар Дзанайты Барис сарæзта æмбырд, 2025-æм азы культурон хъæппæристы президентон фонды фыццаг грантон конкурсмæ курдиæттæ дæттыны кампанийы Цæгат Ирыстоны архайды фæдыл. Кампани цæуы ацы аз 25-æм июлæй 10-æм сентябры онг. Бахæссæн æм ис культурæйы, аивады æмæ сфæлдыстадон индустрияты къабæзты проекттæ.
Хатдзæгтæ сбæрæг уыдзысты афæдзы кæрон. Дзанайты Барис куыд загъта, афтæмæй Цæгат Ирыстонæн ис хорз бæрæггæнæнтæ, фæлæ сæ фæбæрзонддæр кæнынæн хъæуы курдиæттæ фылдæр дæттын æмæ географи парахатдæр кæнын. Премьеры ныхæстæм гæсгæ, культурон хъæппæристы президентон фонды проектон офис республикæйы байгом Сергей Меняйлойы хъæппæрисæй.
Уæрæсейы сси 12-æм æмæ Цæгат Кавказы федералон зылды та фыццæгæм. 2024-æм азы 2-æм конкурсы хатдзæгтæм гæсгæ республикæ бацахста фыццаг бынат Цæгат Кавказы федералон зылды уæлахиздзауты нымæцмæ æмæ цы фæрæзтæ райста, уымæ гæсгæ. Хицауады сæрдар загъта, 2025-æм азы конкурсмæ курдиæттæ дæттыны куыст фæахадгæдæр кæнын кæй хъæуы, ацы процессмæ раздахын районты æргом.
Культурон хъæппæристы президентон фонды проектон офисы разамонæг Дзæуджыхъæуы Байаты Лолæ фехъусын кодта, 3 азмæ фонд кæй сарæзта 12 конкурсы. Цæгат Ирыстоны сфæлдыстадон командæтæ архайдтой курдиæттæ дæттыны æппæт кампаниты дæр. 222-йæ 33 проекты райстой 100 милуан сомы бæрц.
